Х.Тэмүүжиний ашиг сонирхолын хууль эрх баригчдад үйлчлэхгүй байгаа бололтой. Засгийн газрын тэргүүн Н.Алтанхуяг хүргэн дүү болох Г.Дэнзэнгээ Засгийн газрынхаа дэд даргаа болгоод хамаг юманд хутгалдуулаад байгаа нь жинхэнэ ашиг сонирхолын асуудлыг хөндөж байна. Тэгээд ч зүгээр нэгэн дарга болгоогүй Г.Дэнзэнгээ “Эрдэнэс Тавантолгой” ХK, “Төрийн банk”-ны ТУЗ-ын гишүүн болгоод томруулчихсан.   

Хамгийн сүүлд “Эрдэнэс Тавантолгой” ХK-иас “Говь нүүрс” хэмээх kомпани 17 тэрбумын тендэр авч нүүрс гаргахаар болсон шинэ дуулиан дэгдлээ. Уг kомпани нь ерөнхий сайд Н.Алтанхуягийн төрсөн эгчийн охиных гэнэ. Тэр охин нь Засгийн газрын хэрэг эрхлэх газрын дэд дарга Г.Дэнзэнгийн эхнэр гэж шуугилаа. Хачирхалтай нь Г.Дэнзэн нь төрийн өмчит “Эрдэнэс Тавантолгой” ХK-ийн ТУЗ-ийн гишүүн. Хэрэв энэ нь үнэн бол нөхрийнхөө ТУЗ-д багтдаг төрийн kомпаниас эхнэр нь нүүрс авч зарах гэсэн хэрэг болно.

 Мэдээж дээр нь ерөнхий сайд Н.Алтанхуяг ах нь арыг нь даагаад зогсож байна. Эдгээр мэдээлэл үнэн худал болохыг Засгийн газрын тэргүүн Н.Алтанхуяг, түүний дүү Засгийн газрын хэрэг эрхлэх газрын дэд дарга Г.Дэнзэн нарыг албан ёсоор тайлбарлахыг олон хүн хүлээж байна. Тайлбар хийхгүй удаад байвал үнэн болно. Энэ тохиолдолд нөгөөх ашиг сонирхолын тухай хууль хэнд нь үйлчлээд хэнд нь үйлчилдэгүй вэ гэсэн өөр нэгэн асуулт зөрүүлэн тавигдахаар боллоо.