Философийн ухааны дэд доктор, Ардын хувьсгалын 70 жилийн ойн хүндэт медальт, Сүхбаатарын одонт, АНУ -ын Индиана мужийн Блүүмингтон хотын хүндэт иргэн, Монгол улсын 2 дахь ерөнхийлөгч, өдгөө “Оюу толгой” компаний ТУЗ-ийн гишүүн Н.Багабандийн төрсөн өдөр өнөөдөр тохиож байна.
Албан ёсны намтарт бичсэнээр нь бол Н.Багабанди 63 жилийн өмнөх энэ өдөр буюу 1950 оны хавар  Завхан аймгийн Яруу сумын нутагт малчин ард Нацагийн тав дахь хүүхэд болж төржээ. “Титэм үг” тэрлэгчийн хувьд энэ удаагийн төрсөн өдөр нь иун өвөрмөц үед таарч байна. Иргэний нийгмийн төлөөллүүд хамтран “Оюу толго”й компаний ТУЗ-ийн гишүүд болох Н.Багабанди, П.Цагаан, Ч.Ганболд нарыг эргүүлэн татах асуудлаар мэдэгдэл хийж, шаардлага гарган Ерөнхийлөгч, Ерөнхий сайд, УИХ-ын даргад хүргүүлээд байгаа билээ. Түүнийг солох асуудлыг идэвхтэй хэлэлцэж байгаа гэх эх сурвалж ч байна. Мөн түүнийг МАН-аас ерөнхийлөгчийн сонгуульд нэр дэвших магадлалтай хүмүүсийн тоонд оруулсан ч өөрөө ямар нэг тайлбар албан ёсоор хийгээгүй юм. Сонгуулийн жил гарахаас өмнө ажлаа өгөөгүйг бодоход энэ яриа нь жинхэнэ нэр дэвшигчдийг төөрүүлсэн тактикийн тоглолт байж мэднэ гэж хардагсад ч бий.
     Маргааш 24цаг.мн түүний амьдралын хамгийн сонирхолтой 24 баримтыг хүргэх болно.