Өнөөдөр УИХ-ын дэд дарга С.Баяцогтын асуудлыг Ёс зүйн дэд хороогоор хэлэлцэнэ. Уг нь түүний асуудлыг өнгөрсөн долоо хоногт УИХ-ын нэгдсэн чуулганаар хэлэлцэхээсээ өмнө Ёс зүйн дэд хороогоор хэлэлцүүлэх ёстой гэсэн горимын саналыг Ц.Нямдорж гаргаад дэмжигдээгүй. Харин өнөөдөр ёс зүйн дэд хороогоор хэлэлцэх аж. Ийнхүү эхлээд чуулганаар хэлэлцээд дараа нь дэд хороогоор хэлэлцдэг сонирхолтой дэг журам энэ парламентын үед тогтлоо. Уг нь хуулиараа бол эхлээд байнгын хороодоороо хэлэлцээд дараа нь чуулганаар хэлэлцдэг дэгтэй. Энэ дэг одоогийн парламентынхад хамаагүй бололтой. Хамгийн сонирхолтой нь С.Баярцогтын асуудлыг хэлэлцэх ёс зүйн дэд хороонд сөрөг хүчний төлөөлөлөөс нэг ч хүн байхгүй байна. Тэднийг энэ байнгын хороонд оруулаагүй байна. Ер нь УИХ-ын 10 дэд хороонд УИХ-ын гишүүд хувиарлагдах тун дургүй болсон гэж эх сурвалж мэдээллээ.