Өчигдөр орой МАН-ын бүлэг яаран сандран хэвлэлийн бага хурал зарлаж Н.Алтанхуягийн талаарх ноцтой баримтууд дэлгэсэн нь учиртай байж. Учир нь өнөөдөр Н.Алтанхуягийг чуулганаар хэлэлцэнэ. Тэрний өмнө баримтуудыг олон нийтэд хүргэх гэж яаравчилжээ. Харин энэхүү баримтуудыг сонссон АН-ын гишүүд оройхон тийшээ хэсэг, бүлэгээрээ цугларч эхэлсэн тухай яриа ордноор тархсан. Харин тэд хаана уулзалдсан бас юу ярьсан нь тодорхой бус байна. Ямар ч байсан намын даргынхаа Тавантолгойн 17 тэрбумын тендерийг дүүгийн охинд авч өгснийг ярьсан нь гарцаагүй. Гэхдээ АН-ынхан хэсэг, бүлэгээрээ шөнөжин хуралдсан тухай яриа бас гарсан байна. Тэд хоорондоо зөрчилдөж, шударга бус үйлдэлтэй эвлэрэхгүй гэсэн ч эцсийн бүлэгт даргаа хамгаална гэж шийдсэн сураг гарлаа. Өнөөдрийн чуулганаар тэдний байр суурь тодорхой болно.