Манай улсыг Азид дахь ардчилалын үлгэр жишээ улс гэж олон улсын хүрээнд ярьдаг. Мөн ардчилалыг тайван замаар бий болгосон цөөн орны тоонд ордог. Тиймээс шинэ тутам ардчилалд шилжиж буй орнууд манайхаас туршлага судлах гэж ирдэг болсон. Үүний нэг илрэл болгож ардчилсан орнуудын сайд нарын хурлыг манайд хийх гэж байна.

 Хачирхалтай нь Азийн ардчилалын билэг тэмдэг болсон манайх олон улсын хурлын өмнө УИХ-ын дэд даргаа ажлаас нь чөлөөлөв. Мөн Ерөнхий сайдыгаа огцруулах гэж санал хураалт явуулав. Манайхны улс төрийн энэхүү дотоод тэмцэлтэй ширүүн байдлыг ардчилсан орныхон юу гэж үнэлэх бол гэдэг сонин байна. Харин ч жинхэнэ ардчилсан улс гэж дүгнэлт хийх болов уу? Эсвэл ардчилалаа арай л буруугаар хэрэжгүүлдэг юм байна гэх болов уу? Яалт ч үгүй улс төрийн ийм өрнөл давхцаж таарлаа.