Энэ удаагийн парламент дахь эмэгтэйчүүд шиг олуулаа бас эв нэгдэлтэй парламент байгаагүй. Олон өөр намын төлөөлөл болж сонгогдсон ч гэсэн эмэгтэйчүүд маань чуулганы хуралдаанд хоорондоо маргалдаж үг сөрөөд байдаггүй. Эв нэгдлийг эрхэмлэсэн тэд байсхийгээд бие биенийхээ өрөөг дамжиж “хуушуурдалт” зохион байгуулдаг. Харин тэд энэ удаа Д.Оюунхорол гишүүний өрөөнд тухалсан байна. УИХ-дахь эмэгтэй гишүүд энэ удаа энгийн нэг “хуушуурдалт” зохион байгуулаагүй бөгөөд Д.Оюунхоролыгоо дэмжих гэж цугласан гэж эх сурвалж мэдээллээ. Учир нь тэд Д.Оюунхорол гишүүнийг Ерөнхийлөгчид нэр дэвшихээр зориглож байгааг дуу нэгтэйгээр дэмжиж урам хайрласан байна. Анх удаа эмэгтэйчүүдийн төлөөлөл Ерөнхийлөгчид өрсөлдөхөөр ярьж, байр сууриа зоригтой илэрхийлж байгаа нь сайн шийдвэр гэж ярилцжээ. Хэрэв Д.Оюунхорол гишүүнийг намаасаа нэр дэвшвэл УИХ дахь эмэгтэйчүүдийн бүлэг дэмжиж ажиллана гэжээ.