Ардчилсан орнуудын хамтын нийгэмлэг /АОХН/-ийн Сайд нарын долдугаар бага хурлын чуулга уулзалтууд өнөөдөр албан ёсоор эхэлж байна. Чуулга уулзалтын төлөөлөгчдийн нэгдсэн хурал Төрийн ордны Их танхимд эхэлсэн бөгөөд хуралдааныг УИХ-ын гишүүн Р.Амаржаргал даргалж, Ерөнхий сайд Н.Алтанхуяг нээж, үг хэллээ. “Монгол Улс сүүлийн хоёр жилд АОХН-ийг даргалахдаа ерөнхий нарийн бичгийн даргын албан тушаалыг санаачилж, байгууллагыг институтчилах үйл хэрэгт том алхам хийлээ. Мөн ардчиллын боловсролыг дэлгэрүүлэх ажлын хүрээнд бүс нутаг болоод өөрийн улсдаа олон ажлыг хийж өнгөрүүлсэн юм. Бидний тэргүүлсэн хоёр жил шувтарч, дараагийн улс Эль Сальвадорт шилжинэ. Хэдийгээр бидний даргалах ажиллагаа дууссан ч ардчиллыг дэлгэрүүлэх үйл хэрэгт хамтран ажиллана гэдэгт итгэлтэй байна” гэж Ерөнхий сайд Н.Алтанхуяг хэлсэн юм. Энэхүү нээлтийн ёслолын дараа төлөөлөгчид дурсгалын зургаа авахууллаа. Харин одд парламентчдын, Эмэгтэйчүүдийн, Иргэний нийгмийн, Залуучуудын, Бизнесийн ардчилалын чуулга уулзалтууд эхэллээ. Ардчилалын төлөөх парламентчдын салбар хуралдаанд УИХ-ын дарга З.Энхболд үг хэллээ. Мөн залуучуудын чуулганыг Л.Болд сайд нээж үг хэлж байна. 
