Ардчилсан орнуудын хамтын нийгэмлэгийн Сайд нарын долдугаар бага хурал Улаанбаатар хотод болж буйтай холбогдуулж Шүүхийн шийдвэр гүйцэтгэх ерөнхий газрын харьяа Хорих 461 дүгээр ангид хоригдож байгаа МАХН-ын дарга Н.Энхбаярыг өнөөдрөөс эхлэн өлсгөлөн зарлаж эхэлжээ гэсэн мэдээлэл твиттерээр  цацагдаад байсан билээ. Тэгвэл өчигдөр Засгийн газрын хэрэг эрхлэх газрын дарга Ч.Сайханбилэг Н.Энхбаяртай уулзаж, эрүүл мэндээ бодохыг зөвлөж, өлсгөлөн зарлахгүй байхыг хүсчээ. Харин Н.Энхбаяр дарга “Үнэхээр шударга ардчиллыг эх орондоо бий болгоё гэж байгаа бол хэлмэгдүүлэлтээ зогсоо. Та нар гадаадынханд муухай харагдахгүйг хичээж байгаа бол би улс орноо бодож бодит байдлыг үнэнээр харуулахыг зорьж байна” хэмээсэн гэнэ. Тэдний дунд иймэрхүү яриа өрнөснөөр ямар ч байсан өлсгөлөн зарлахгүй байх шийдэлд хүрсэн аж.