Манай улс олон улсын ардчилсан орнуудын хурлыг өлсөглөнтэй, жагсаалтай угтаж байна. Өчигдөр МАХН-ынхан жагссан бол хоёр хоногийн өмнөөс эхлэн төрийн өмчит “Эрдэнэс-Тавантолгой” ХK-ийн ҮЭ-ийн дарга С.Эрдэнэ нойтон өлсөглөн зарлаж эхэлжээ. Тэрээр төрийн өмчит энэхүү kомпани ажлын байранд ажилчдын эрхийг зөрчигдүүлж байна, түүнийг нь илчилсний төлөө байнгын дарамт шахалтанд орох болсон, ажилчдын эрх ашгийг хамгаалах хамтын гэрээнд гарын үсэг зурахгүй байгаа гэсэн асуудлаар өлсөглөн зарлажээ. Түүнийг хоёр ээлжийн 80 гаруй хүн дэмжиж буй бөгөөд зарим нь өлсөглөнд нэгдэнэ гэж мэдэгдээд байгаа аж.

“Эрдэнэс-Тавантолгой” ХK-ийн ҮЭ-ийн дарга С.Эрдэнэ ажилчдынхаа эрх ашгийг хамгаалсан гурван заалт бүхий гэрээг байгуулахаас нааш өлсөглөнгөө зогсоохгүй гэж мэдэгдлээ. Ийнхүү саяхан 17 тэрбумын тендерт нь Ерөнхий сайдын дүүгийн охинийн kомпани шалгарсан төрийн өмчит “Эрдэнэс-Тавантолгой” ХK-ийнхан газар дээрээ ихээхэн будилаантай ажиллаж байна. Энэ асуудалд төр засгийн зүгээс анхаарлаа хандуулах цаг болсон гэж орон нутгийнхан тайлбарлалаа.