Ардчилсан орнуудын хамтын нийгэмлэг /АОХН/-ийн Сайд нарын долдугаар бага хурал өнөөдөр гурав дахь өдрөө Улаанбаатар хотноо үргэлжилж байна. Хурлын төлөөлөгчид хуваарийн дагуу Сүхбаатарын талбайд 08:15 цагаас дурсгалын зураг авхуулсны дараа 08:30 цагаас АОХН-ийн Сайд нарын 7 дугаар Бага хурлын нээлт эхэллээ. Төрийн ордны Их танхимд болж буй уг хуралд нийт 800 орчим төлөөлөгч оролцож байна. Хуралдааныг Гадаад харилцааны сайд  Л.Болд хуралдааныг нээж үг хэлэх бол Монгол Улсын Ерөнхийлөгч  Ц.Элбэгдорж үндсэн илтгэлийг тавих юм. Үүний дараа Тайландын Вант Улсын Ерөнхий сайд  Йинлак Чинават, Бүгд Найрамдах Коста Рика Улсын Тэргүүн Дэд ерөнхийлөгч Альфио Пива Месен, Мьянмарын парламентын гишүүн, Нобелийн шагналт Ан Сан Су Чи, Европын Комиссын Дэд ерөнхийлөгч  Катринь Аштон, Нигерийн Дэд Ерөнхийлөгч Намади Самбо, НҮБ-ын ЕНБД-ын орлогч Кассым –Жомарт Токаев, Нобелийн шагналт  Таваккол Карман, АОХН-ийн ЕНБД Мариа Лайсснар нар үг хэлэх аж. Түүнчлэн  АНУ-ын Ерөнхийлөгч Барак Обамагийн илгээсэн видео мэндчилгээг зочид, төлөөлөгчдөд танилцуулах юм байна.

Харин үүний дараа дараах хөтөлбөрийн дагуу хурал үргэлжилнэ.

10:00-11:30    “Иргэний нийгэм, үзэл бодлоо илэрхийлэх эрх чөлөөнд учирч буй аюул” сэдэвт төр, иргэний нийгмийн хамтарсан хуралдаан /Төрийн ордны Их танхим/

11:30-12:45    Сэдэвчилсэн салбар хуралдаанууд эхэлнэ.
 

    “Ардчиллын боловсрол” /Төрийн ордны А танхим/.

    “Авилга ба ардчилалд учирч буй бусад аюул” /Төрийн ордны Б танхим/.

    “Арабын хаврын хоёр жил: сургамж ба сорилтууд” /ГХЯ-ны Зөвшилцөл танхим/.

    “Ардчилал ба Мянганы хөгжлийн зорилтууд” /Blue Sky зочид буудлын хурлын танхим/.

    “Онлайн болон хэвлэлийн эрх чөлөө” /Blue Sky зочид буудлын хурлын танхим/.


14.00-14.30    Гадаад хэргийн сайд нар Монгол Улсын Ерөнхийлөгчид бараалхана
14:40-15:50    Хаалтын ёслол. Төрийн ордны Их танхим
15:10-15:25    Геремекийн шагнал гардуулах ёслол
15:25-15:35    Пальмерын шагнал гардуулах ёслол
15:35-15:40    АОХН-ийн тугийг Эль Сальвадорт шилжүүлэх ёслол
15:40-15:50    Албан ёсны хаалтын ажиллагаа
15:50-16:05    Хэвлэлийн бага хурал. Байр: Төрийн ордны Б танхим
15:55-16:05  Төлөөлөгчид Монгол Улсын Ерөнхийлөгчтэй дурсгалын зураг авахуулна. Эзэн Чингис хааны хөшөөний өмнө
16:10-17:30    Урлагийн тоглолт. Соёлын төв өргөө

4 дүгээр сарын 30. Мягмар гараг

-Хоёр талын айлчлал, уулзалтууд болно.
-Зарим орны төлөөлөгч буцна