Ардчилалын олон улсын хурлаас үүдэн өчигдөр болох ёстой байсан намын бүлгүүд өнөөдөр хуралдлаа. АН-ын бүлгийнхэн өнөөдрийн хуралдаанаараа УИХ-ын дэд даргад нэр дэвшигчээ тодрууллаа. Тэд уг албан тушаалд Р.Гончигдоржийг томилохоор санал хурааж олонхи нь дэмжсэн байна. Ингэснээр АН-ын бүлгээс Р.Гончигдоржийг УИХ-ын дэд даргад томилох саналыг маргаашийн Төрийн байгуулалтын байнгын хорооны хуралдаанаар хэлэлцүүлэх юм. Үүнээс гарсан шийдвэрийг чуулганы нэгдсэн хуралдаанаар оруулж, хэлэлцэн шийдвэрлэнэ. Юутай ч АН-ын бүлгийн гишүүдийг төлөөлж суух УИХ-ын дэд дарга энэ долоо хоногт тодрох юм.