Өчигдөр Ерөнхийлөгч Ц.Элбэгдоржтой хамт ардчиллын талаар илтгэл тавьсан Нобелийн шагналт Ан Сан Сү Чи-тэй АН-ын эмэгтэйчүүд оройн зоог барьжээ.

Уг арга хэмжээнд АН-ын УИХ-ын гишүүдээс гадна намын аппаратынхан нь, яамдын зарим төрийн нарийн бичгийн дарга нар, дэд сайдууд гээд бүгд л иржээ. Тэд ардчиллын удирдагчийн зүүсэн гоёл, цэцэгнээс нь авахуулаад тэмцлийн арга хэлбэр, иргэний нийгэм гээд өргөн хүрээг хамарсан асуудлаар санал солилцсон байна.

Нобелийн шагналт удирдагч Монголд ардчилал хөгжиж байгаад талархал илэрхийлээд, ардчилалын хөгжилд эмэгтэйчүүд чухал нөлөө үзүүлдэг талаар байр сууриа илэрхийлсэн байна. Үүнийхээ зэрэгцээ сөрөг хүчний эмэгтэйчүүдийг ч бас сураглаад авчээ. Харин АН-ын эмэгтэйчүүд Нобелийн шагналтныг “эгэл бас эрхэмсэг” гэж тодорхойлсон байна.