Ашиг сонирхолын хуулийн дагуу ч, өмнө баримталж байсан зарчмаар ч аваад үзсэн одоогийн Засгийн газрын зургаан сайдыг ашиг сонирхолын зөрчилтэй гэж сөрөг хүчин зарлалаа.

Тэдний тайлбараар бол Засгийн газрын гишүүд ашиг сонирхолын зөрчилд орохгүйн тулд өөрийн салбарынхаа байнгын хороонд харьяалагдах ёсгүй гэнэ.

Гэтэл одоогийн Засгийн газрын зургаан сайд Эдийн засгийн байнгын хороонд харьяалагдаж байгаа нь буруу аж. Тэд голлох байнгын хороонд харьяалагдаж Засгийн газрынхаа бодлогыг УИХ-ын бүтцэд тулгаад байгаа гэнэ. Тиймээс энэ асуудлаар ажлын хэсэг байгуулж холбогдох арга хэмжээ авахыг УИХ-ын дарга З.Энхболдоос хүслээ.