Өчигдөр орой, өнөө өглөө хуралдсан МАН-ын Удирдах зөвлөл саяхан хуралдаж дуусаад бага хурлаа эхлүүлсэн. Удирдах зөвлөл хэлэлцээд МАН-ын дарга Ө.Энхтүвшин, УИХ-ын гишүүн Д.Лүндээжанцан, Д.Оюунхорол, Б.Бат-Эрдэнэ нарыг Бага хурал дээр оруулж санал хураахаар тохирсон байна. Өөрөөр хэлбэл дөрвөн нэр дэвшигчийг намын бодлогоор хуралдаа оруулж байгаа аж. Бага хуралд оролцогчид заалнаас сайн дураараа нэмж нэр дэвшүүлж болох юм.

Дээрх дөрвийн Ө.Энхтүвшин, Д.Оюунхорол, Б.Бат-Эрдэнэ гурав өмнө нь яригдаж байсан юм. Харин Д.Лүндээжанцанг санал болгохоор өчигдөр гэнэт шийдсэн байна.  Ингэснээр өмнө нь яригдаж байсан Н.Энхболд, Сү.Батболд нар нэр дэвшинэ гэдэг ташаа мэдээлэл байсан байна.

Энэ дөрвөн нэр дэвшигчээс хамгийн олон санал авсан хоёр төлөөлөгч дээр дахин санал хураалт явуулах замаар МАН Ерөнхийлөгчийн сонгуульд нэр дэвшигчээ тодруулах юм.  

Д.Идэр