УИХ-ын гишүүн О.Баасанхүүг АН-д элсэх гэж байгаа талаар өнөөдөр зарим сайтад мэдээлжээ. Тодруулбал, түүнийг хэд хоногийн өмнө  Ерөнхий сайд Н.Алтанхуягтай орон нутагт хамт ажиллаад ирэхдээ дээрх шийдвэрийг гаргасан гэв. Гэхдээ Ардчилсан намаас О.Баасанхүүд санал тавьсан уу, О.Баасанхүү өөрөө энэхүү шийдвэрийг гаргасан уу хэмээжээ.  Харин энэ талаар УИХ-ын гишүүн О.Баасанхүүгээс тодруулахад “Тийм зүйл байхгүй. Ташаа мэдээлэл байна” гэлээ. Мөн тэрээр өнөөдөр 11.00 цагаас Төрийн ордны хуралдааны Г танхимд хэвлэлийн бага хурал зарлалаа.