Эрүүл мэндийн сайд Н.Удвал өчигдөр Ерөнхийлөгчийн сонгуульд нэр дэвшиж байгаа хүмүүсийг эрүүл мэндийн үзлэгт оруулах тухай шийдвэр гаргасан нь олон нийтийн анхаарлыг татаад байна. Өмнө нь сонгуульд өрсөлдөгчидөд ийм шаардлага тавьж байгаагүй юм. МАХН-ын дарга Н.Энхбаярын биеийн байдлын талаар байнга мэдээлж байдаг Эрүүл мэндийн сайд ямар шалтгаанаар ийм шийдвэр гаргасан нь сонирхолтой. Ялангуяа АН, МАН гэсэн гол намуудын нэр дэвшигчид тодорсон үед, цагийг нь тулгаж ийм шийдвэр гаргасан нь олон хардлага төрүүлж байна.

   Мөн хэрэв нэр дэвшигчдийн биеийн байдал нь тэнцэхгүй гэсэн дүгнэлт гарсан тохиолдолд сонгуульд өрсөлдүүлэхгүй байх уу гэдэг сонирхолтой. Н.Удвалын энэ шийдвэр Н.Энхбаяртай холбоотой юу, эрх зүйн хувьд боломжтой юу гээд олон асуулт үлдэж байна.