Цаг уурчдын амлаж байснаар нийслэлд усан бороо бүтэн цаг шаагиж, зарим газраар энэ жилийн анхны мөндөр оржээ. Өнөө шөнө болон маргааш ч Улаанбаатарт бороо орох мэдээг цаг уурчид өгч байна. Харин улс төрийн цаг уурчид энэ бороог арай өөр агуулгаар харжээ.
    Энэ зуны ерөнхийлөгчийн сонгуулийн гол хоёр өрсөлдөгчийн нэг Ц.Элбэгдоржийг АН-ын ҮЗХ-ны хуралдаанаас нэр дэвшүүлэх үеийг хур бороо мялаасан гэж дэмжигчид нь билэгшээж байна. Тэдний харьцуулалтаар Б.Бат-Эрдэнэ аваргын нэр дэвшүүлсэн 4- ний өдөр төрсөн нутаг Хэнтий аймгийн Дадал суманд хээрийн түймэр гарч багагүй газрыг хуйхалсан нь нэгийг өгүүлж байна гэж тэд фэйсбүүк, твиттер орчинд идэвхтэй хэлэлцжээ.