Говь-Алтай аймгийн АН-ынхан  2008 оноос хойш тус аймгаас сонгогдсон УИХ-ын гишүүн Ц.Дашдорж, Ж.Энхбаяр нар улсын төсвөөс жил бүр хуваарилсан мөнгийг хэрхэн зарцуулсанд хийсэн аудитын дүгнэлт, хууль зөрчсөн баримтуудыг үндэслэн АТГ-т хандлаа.

Тодруулбал, ямар ч сонгон шалгаруулалтгүйгээр 10-200 сая төгрөгийг МАН-ын гишүүд, тойрон хүрээлэгчиддээ тарааж өгсөн гэнэ.

-Мөн жижиг дунд үйлдвэрийг дэмжих зорилгоор 73 иргэнд 893,8 сая төгрөгийн зээл олгосноос 16 иргэнд 231,5 сая төгрөгийг эргэн төлөгдөх нөхцөлгүйгээр олгосон.
- Аудитын дүгнэлтээр 2009-2011 онд л гэхэд нэг тэрбум 700 сая төгрөгийн зөрчил гаргасныг тогтоосон.
-Хүнсний битүү захын барилгыг 200 сая төгрөгийн эргэн төлөх нөхцөлтэйгөөр 2009 онд олгосон.
-Гэтэл 2011 он гэхэд эргэн төлөхөөр гэрээ хийсэн атлаа төлөөгүй байгаа нь мөн нотлогдсон гэх мэт маш олон баримт байгаа талаар эх сурвалж мэдээллээ.