УИХ-ын үдээс хойшхи чуулган үргэлжилж УИХ-ын гишүүн Д.Батцогтоос Уул уурхайн сайдад тавьсан “Ховд аймгийн Дарви, Цэцэг сумдын нутагт орших Хөшөөтийн нүүрсний уурхайг эзэмшиж буй “Мо Эн Ко” компанийн үйл ажиллагааны талаарх асуулга”-ын хариуг сонслоо. Уг асуулгад Уул уурхайн сайд Д.Ганхуяг хариулт өгсөн юм. Д.Батцогт гишүүн "Хөшөөтийн уурхайг стратегийн ордод оруулах нь зүйтэй гэдэгт гишүүд санал нэгтэй байгаа. Гэсэн ч энэ уурхайд ажилд орохоор, тээвэр хийхээр хүлээж байгаа олон хүн бий. Ажлыг яаравчлах хэрэгтэй байна" гэв.

   Чуулганаар яг одоо Монгол Улсын Засгийн газар, Азийн хөгжлийн банк хооронд байгуулсан “Эрүүл мэндийн салбарын хөгжил хөтөлбөр-4 төсөл: Нэмэлт санхүүжилт”-ийн болон “Эрүүл мэндийн салбарын хөгжил хөтөлбөр-5 төсөл”-ийн зээлийн хэлэлцээрийг соёрхон батлах тухай хуулийн төслүүдийг хэлэлцэж байна.