Хоёр өдөр хойшилсон МАХН-ын хурал өнөөдөр Ерөнхийлөгчийн сонгуульд яаж оролцох эцсийн шийдвэрээ гаргана. Эх сурвалжийн мэдээлж байгаагаар МАХН хурлаа хойшлуулах хоёр шалтгаантай байжээ. Нэгд хамтарч эвсэл болж орсон МҮАН-ын шийдлийг хүлээсэн байна. Нөгөө нь эмнэлэгт хэвтэж байгаа даргатайгаа уулзаж улс төрийн нөхцөл байдлын талаар заавар зөвлөлгөө авч шийдвэрээ гаргахад оршжээ. Ингээд өнөөдөр хуралдаж Л.Цогийг дэвшүүлэх үү? Эсвэл МАН-ын Б.Бат-Эрдэнэ аваргыг дэмжих үү? гэдэг шийдэлд хүрэх нь тодорхой болсон байна. Учир нь энэ намаас Ерөнхийлөгчийн сонгуульд нэр дэвших хамгийн өндөр магадлалтай гэгдэж байсан Д.Тэрбишдагва, Ч.Улаан хоёр нэр дэвшихгүйгээ албан ёсоор мэдэгджээ. Л.Цогийг дэвшүүлэх үү? Б.Бат-Эрдэнийг дэмжих үү? гэдэг нь Н.Энхбаярын санаачилга гэнэ. Энэ хоёрыг аль нэгийг өнөөдөр батламжлах бололтой.