Өнөөдөр хуралдсан МАХН-ын Гүйцэтгэх товчооны хуралдааны талаар хүн бүр л янз бүрийн таамаг дэвшүүлээд байсан. Зарим эх сурвалж,  Гүйцэтгэх товчоо хуралдаад намаасаа хүн нэр дэвшүүлэхгүй гэж үзэж байсан бол Эрүүл мэндийн сайд Н.Удвалыг Монгол Улсын Ерөнхийлөгчийн сонгуульд нэр дэвшүүлэхээр болсон гэх нэгэн ч байсан. Тэгвэл Бага чуулганы хуралдаанаар эцсийн шийдвэрийг гаргажээ. Тэд энэ удаагийн Ерөнхийлөгчийн сонгуульд  МАХН-аас Эрүүл мэндийн сайд Н.Удвалыг нэр дэвшүүлэхээр болжээ. МАХН-ынхан эл хоёр хурлаар 2013 оны Ерөнхийлөгчийн сонгуульд аль нэг намыг дэмжиж оролцох уу, эсвэл Ерөнхийлөгчийн сонгуульд бие дааж оролцох нь зүйтэй хэмээн нэлээдгүй маргалдсан. Харин эцэст нь сонгуульд бие дааж оролцох нь зөв гэсэн зөвшилцөлд хүрчээ.

Монгол Улсын Ерөнхийлөгчийн сонгуульд АН-аас Ц.Элбэгдорж, МАН-аас Б.Бат-Эрдэнэ нар өрсөлдөхөөр нэр дэвшээд буй. Харин УИХ-д суудалтай намуудаас ИЗНН, МҮАН-ын хувьд АН-аас нэр дэвшигч Ц.Элбэгдоржийг дэмжиж оролцоно гэдгээ мэдэгдээд байгаа. Харин хамгийн сүүлд шийдвэрээ гаргаад байгаа МАХН ийн Н.Удвалыг нэр дэвшүүлж байгаа юм.