Ирэх зургаа дугаар сард болох Ерөнхийлөгчийн сонгуульд МАХН-аас Эрүүл мэндийн сайд Н.Удвал нэр дэвшихээр болоод байна. Түүнийг МАХН-ын дарга Н.Энхбаяр санал болгосноор тус намын Гүйцэтгэх товчоо, Бага чуулганы гишүүд дэмжсэн юм. Энэ нь МАХН Ерөнхийлөгчийн сонгуульд бие дааж оролцоно гэсэн үг. Гэсэн ч тэд МАН-ын нэр дэвшигчид "талтай" байна. Учир нь гурван нэр дэвшигчтэй сонгуульд эхний шатанд  нэг нэр дэвшигч 50 хувиас дээш санал авах магадлал бага байдаг. Тиймээс дараагийн шатанд Н.Удвалын өрсөлдөгч нар тунаж үлдэх магадлалтайг МАХН-ынхан тооцоолжээ. МАХН-ын Бага хурлын гишүүн, УИХ-ын гишүүн Ц.Цолмонгийн хэлснээр Н.Удвал сонгуулийн хоёр дугаар шатанд орохгүй бол тус намынхан МАН-ын нэр дэвшигч Б.Бат-Эрдэнийг дэмжиж магадгүй аж.

   Өнгөрсөн амралтын өдөр болсон МАХН-ын Бага чуулганаар МАН-тай хамтаръя гэсэн цөөнгүй санал гарчээ. Тиймээс Н.Удвал эхний шатанд бага санал авбал МАХН-ын дараагийн хувилбар нь Б.Бат-Эрдэнэ гишүүнийг дэмжих байж магадгүй нь.