Өнгөрсөн баасан гаригт УИХ-ын гишүүний тангарагаа өргөсөн Д.Зоригтыг эсэргүүцэж Өвөрхангай аймгийн зарим иргэд сонгогчид өнөөдөр мэдээлэл хийлээ. Тэдний ярьж буйгаар Г.Батхүү, Д.Зоригт нар нь хууль зөрчиж гишүүн болсон гэнэ. Түүнчлэн энэ талаар удаа дараа тэмцсэн боловч үр дүнд хүрээгүй. Тиймээс тэд Ерөнхийлөгчид мэдэгдэл хүргүүлэхээр болсон байна. Тэд мөн түр хороог байгуулсан байна. Түр хороогоор хууль зөрчиж гишүүн болсон дээрх хоёр гишүүнийг бүрэн эрхээс нь эргүүлэн татах хүртэл үйл ажиллагаа явуулах юм байна. Мөн Өвөрхангай аймагт энэ сарын 15-ны 15.00 цагт эсэргүүцлийн жагсаал хийхээр бэлдэж байгаа аж. Тэдний үйл ажиллагааг МАН-ын гишүүд, дэмжигчид дэмжиж байгаа юм байна.