МАН-аас УИХ-ын 10 дугаар тойрог буюу Өвөрхангай аймагт нэр дэвшсэн С.Чинзориг өнөөдөр мэдэгдэл хийлээ. Ардчилсан намаас нэр дэвшсэн Г.Батхүү, Д.Зоригт нар шүүхийг өөрсдийн талд ашиглаж, хэтэрхий нэг талыг барьсан шийдвэр гаргасан тул Шүүхийн шийдвэрийг дахин харах ёстой  гэж тэрээр  үзэж байгаагаа мэдэгдсэн юм.  Мөн тэрээр “Би энэ асуудлаар Дээд шүүх, үндсэн хуулийн цэцэд хандаж үзсэн. Гэтэл Дээд шүүх таны асуудлыг шүүхээс гуравдагч этгээдээр татах үндэслэлгүй гэж мэдэгдсэн учраас хэлэлцэх боломжгүй гэдэг. Харин үндсэн хуулийн цэц болохоор шүүхийн процесс дуусаагүй байгаа учраас хэлэлцэхгүй гэдэг.  Өвөрхангай аймгийн шүүх хүмүүсийн саналыг хууль бусаар авах гэж завдсан гэж байгаа ч яг үнэндээ тийм юм ерөөсөө болоогүй. Шүүх хуралд ерөөсөө л Г.Батхүү, Д.Зоригт нарын хоёр өмгөөлөгч сууж байгаад шийдвэр гаргасан. Ийм байж болохгүй” гэв. Тэрээр МАН Өвөрхангайн асуулд хойрго хандууллаа гэсэн юм. Мөн СЕХ-г хууль зөрчсөн гэж үзэн, цэцэд өгөх гэж байгаа бөгөөд ерөнхийлөгч Ц.Элбэгдоржид ч захидал хүргүүлэх аж.