Өчигдөр орой Монгол улсаас гадаадад суугаа дипломат төлөөлөгч, элчин сайдуудтай хийх цахим уулзалт болжээ. 19:00 цагаас эхэлсэн уулзалт Төрийн ордны Нутгийн удирдлагын танхимд болсон байна.

Ерөнхий сайд Н.Алтанхуяг тэргүүлсэн видео уулзалтад дэлхийн 37 оронд эх орноо төлөөлөн суугаа дипломат төлөөлөгчид болон Элчин сайд нар оролцжээ. Мөн уулзалтад Эдийн засаг, хөгжлийн сайд Н.Батбаяр,  Гадаад хэргийн сайд Л.Болд нар  болон  ноос, ноолуурынхан, загвар зохион бүтээгчид оролцож экспортын асуудлаар ярилцсан аж.