2013 оны Ерөнхийлөгчийн сонгуульд нэр дэвшигчид маргааш СЕХ-ноос үнэмлэхээ гардаж авна. Үүний дараа сонгуулийн сурталчилгаа албан ёсоор эхэлж, санал хураах өдрөөс 24 цагийн өмнө зогсоох ёстой. Маргааш нэр дэвшигчид үнэмлэхээ авснаар сурталчилгааны нээлтээ хийх эрхтэй болох юм.

   МАН-аас нэр дэвшиж буй УИХ-ын гишүүн Б.Бат-Эрдэнэ маргааш СТӨ-нд сурталчилгааныхаа нээлтийг хийхээр болжээ. Тэрбээр Сүхбаатарын талбай дээр нээлтээ хийе гэсэн ч ЗГХЭГ болон Улаанбаатар хотын захиргаа зөвшөөрөл өгөөгүй юм. Харин МАХН-аас нэр дэвшигч Н.Удвалын хувьд нөгөөдөр буюу 23-ны өдөр  “АССА”  циркд "Их хуралдай" зохион байгуулж сурталчилгаагаа эхлэхээр болсон байна.