МАН-аас Ерөнхийлөгчийн сонгуульд нэр дэвшсэн Н.Удвал өнөөдөр үнэмлэхээ гардаж авсныхаа дараа МАХН-ын дарга Н.Энхбаяртай очиж уулзлаа. Нэгдсэн хоёрдугаар эмнэлэгт хэвтэж буй Н.Энхбаярын биеийн байдал муу байсан ч нэр дэвшигчтэй сонгуулийн талаар 30 минут орчим ярилцсан байна. Тэрбээр Н.Удвалд шударга өрсөлдөж, зорилгоо биелүүлэхийг захижээ. "Монгол Улсад Ерөнхийлөгчийн сонгуульд ялалт байгуулснаар өөрсдийнхөө хөтөлбөрийг хэрэгжүүлэхийн төлөө шударга байх. Манай нам бусдыг муулахгүй, бусдын оюун ухаан хийх гэж байгаа сайхан зүйлсийг өөрсдийн оюун ухаанаар уралдаж түүнээс илүү хийхийг зорьж тэмцэх ёстой шүү” гэсэн байна.

   Өнөөдөр АН-ын нэр дэвшигч Ц.Элбэгдорж  үнэмлэхээ авсныхаа дараа Дорнод аймгийг зорьж иргэдтэй уулзсан. МАН-ын нэр дэвшигч Б.Бат-Эрдэнэ СТӨ-нд уулзалт хийж байгаа. Харин Н.Удвалын хувьд үнэмлэхээ авсан даруйдаа иргэдтэй биш, намын даргатайгаа уулзсан нь шүүмжлэлд өртөөд байна. Түүнийг "Ард түмний төлөө гэдэг хүмүүс хамгийн түрүүнд иргэдтэйгээ, даргынхаа төлөө хүн хамгийн түрүүд даргатайгаа уулзлаа" хэмээн шүүмжилж байна.