Ардчилсан намаас нэр дэвшигч  Ц.Элбэгдорж өчигдөр  14.00 цагт Дорнод аймгийн төв Чойбалсан хотод очлоо. Түүнийг дагалдан эхнэр Х.Болормаа, УИХ-ын дэд дарга Р.Гончигдорж, Байгаль орчин, ногоон хөгжлийн сайд С.Оюун, УИХ-ын гишүүн М.Зоригт, Б.Болдсайхан эмч явна.

Дорнод аймгийнхан Ерөнхийлөгчид Чойбалсан хотынхоо талбайд хүндэтгэл үзүүлж, аймгийн удирдлагууд нь хүлээн авчээ. Сүхбаатар аймгийн Засаг дарга Ж.Батсуурь болон Дорнод аймгийн АН-ын дарга Д.Цэрэнчимэг, намын гишүүд дэмжигчид Ерөнхийлөгчийг хүлээн авах үед байлцаж, хүндэтгэжээ.

Ерөнхийлөгч 15.30 цагт тус аймгийн удирдлагууд, төрийн бус байгууллагын төлөөлөгчидтэй уулзсан ба дараа нь Дорнод аймгийн иргэдтэй уулзсан байна.