Монгол улсын Хөдөлмөрийн баатар нэр дэвшигч Б.Бат-Эрдэнэ өнөөдөр өглөө өөрийн төрж өссөн эзэн Чингис хааны өлгий нутаг Хэнтий аймгаас эхлэн эх орноо нар зөв тойрон сонгуулийн сурталчилгаагаа хийж байна.

   Түүнийг Хэнтийчүүд халуун дотно хүлээн авсан бөгөөд Хэрлэн голын эрэг дээр олон тооны иргэд хүрэлцэн ирж анх удаа Хэнтий нутгийн хүү Монгол улсын Ерөнхийлөгчийн эрхэм хүндтэй сонгуульд өрсөлдөж байгаад нь баяр хүргэн амжилт хүссэн байна. Мөн нэр дэвшигч энэ өдрийн өглөө Өмнөдэлгэр сумандаа иргэдтэй уулзсан бөгөөд Цэхнэр Өлзийт сумдаар орсон байна. Өлзийт суманд өөрийн төрсөн эгчийндээ орж эгчдээ хүндлэл үзүүлжээ. Одоо цааш Мөрөн суманд очих бөгөөд Хэнтий аймгийн төв Өндөрхаан хотод иргэдтэй уулзах юм.