Хөдөлмөрийн баатар, УИХ-ын гишүүн нэр дэвшигч Б.Бат-Эрдэнэ хуульч гишүүнийхээ хувьд хэд хэдэн хууль санаачлан боловсруулж батлуулсан бөгөөд үүнд Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг олборлох тухай хууль буюу бидний нэрлэж заншсанаар ”урт нэртэй” хууль орно.

Энэ бол санаа, агуулга маш сайн хууль болсон гэж хуульчид үздэг. Бичил уурхай эзэмшигч буюу хувиараа алт олборлогч нинжа нартай холбоотой сөрөг үр дагавар, 245 ашиглалтын лиценз, алтны зургаан шороон ордын зөвшөөрлийг цуцлахад хоёр их наяд төгрөгийн нөхөн олговор олгох гээд асуудал байгаа ч угтаа Монгол Улсын газар нутгийн бүрэн бүтэн байдал, эх орны онгон сайхан байгалийг хайр найргүй хандан доройтуулж байгаа байдалд хяналт тавих хууль болсноороо маш ач холбогдолтой хууль юм.

Хөдөлмөрийн баатар, УИХ-ын гишүүн нэр дэвшигч Б.Бат-Эрдэнийг зарим хүмүүс уул уурхайн салбарыг дэмжихгүй бодлого барьдаг Ерөнхийлөгч болох нь гэж шууд дүгнэж байгаа нь буруу юм. Тэрбээр алт ухахгүй, амьтан хороохгүй, архи хийхгүй гэж хэлсэн нь зөвхөн өөрийнх нь байр суурь бөгөөд хариуцлагатай уул уурхайг хөгжүүлэхийн төлөө байна гэдгээ мэдэгдсэн.

Байгаль дэлхийдээ хайр гамтай хандаж, баялагийг цөөхөн хүмүүс хүртдэг бус байгалийн баялагийг тэгш, шударга болгоно гэдгээ мөрийн хөтөлбөртөө тусгаад байгаа нь улс орон, нийт иргэдийн эрх ашигт илүүтэй нийцэж байгаа билээ.