Цагаан морин жилийн ардчилалын үйлсийг эхлүүлсэн ардчилалын алтан хараацай, Монгол улсаа нийгмийн дэвшил, хөгжилд хөтлөгч Ц.Элбэгдоржийг Монгол Улсын Ерөнхийлөгчийн сонгуульд Ардчилсан Намаас дахин нэр дэвшүүлсэнийг Ардчилсан социалист хөдөлгөөн (АСХ)-ний гишүүд, дэмжигчид  гүн талархан хүлээн авч  байна.

1990 оны ардчилсан хувьсгалыг эхлүүлэх их үйлсэд мөр зэрэгцэн тэмцэж явсан журмын нөхөд тань улс орныхоо ирээдүй, ард түмнийхээ сайн сайхан аж амьдралын төлөө гэсэн чин хүсэл, ариун зорилгоосоо үл няцан, чин шударгаар зүтгэхийн үлгэр дууриал, удирдан манлайлагч болон түүчээлэх эрхэм бөгөөд туйлаас хариуцлагатай үүргийг Ц.Элбэгдоржид үүрүүлсэн нь санамсаргүй хэрэг биш хэмээн үздэг.

Ерөнхийлөгч Ц.Элбэгдорж улс орныг олон арван жилийн туршид мэрэн, залгилж байсан авилгал, хүнд суртал, архидалт, нийгэмийн шударга бус байдалтай тууштай тэмцэж өнгөрсөн дөрвөн жилд тодорхой амжилтанд хүрсэн нь төр улсаа төвхнүүлэх үйлсийг иргэдийн оролцоотой, тэдний хүсэл сонирхолд нийцүүлэн гүйцэтгэх Үндсэн Хуулийн тулгуур зарчим хэрэгжиж эхэлсэн бөгөөд  24 жилийн   өмнө бид бүхний хамтран дэвшүүлсэн зорилт бодит биелэлээ олж буйд Ардчилсан Социалист Хөдөлгөөний гишүүд,  дэмжигчид бид баяртай байна.   
                   
Монголын ардчилсан хувьсгалын тугийг анхнаасаа өндөрт өргөж,  ардчилалын бэлэг тэмдэг болж байгаа Ц.Элбэгдоржийг Монгол улсын Ерөнхийлөгчөөр дахин сонгох нь нэгэнт эхлүүлсэн шинэчлэлт өөрлөлтийг үргэжлүүлэн хийж улмаар ардчлалыг бэхжүүлж,  олон тулгуурт эдийн засгийн хөгжлийг ханган, хүн амын аж амьдралыг дээшлүүлэх гол боломжийг бүрдүүлэх болно.
Дэлхийн хэмжээнд нэр нь танигдсан, үндэсний төдийгүй Ази тивийн ардчилалын төлөөлөгч болсон Монгол төрийн зүтгэлтэн Ц.Элбэгдоржийг  Монгол улсын Ерөнхийлөгчийн сонгуульд дэмжиж саналаа өгөхийг АСХ-ний гишүүд,  дэмжигчид, сонгогч олондоо уриалж  байна.
 
Сонгогч бидний хүсэл биелэлээ олж Ардчилсан Ерөнхийлөгч дахин сонгогдох болтугай.  Сайн үйлс дэлгэрэх  болтугай