Ерөнхийлөгч Ц.Элбэгдорж эх үрсийн баярын өдөр 21 эхэд алдарт эхийн одон гардууллаа. Өнөөдөр 11 цагт Төрийн ордны баганат танхимд болсон одон гардуулах үеэр Алдарт эхийн нэгдүгээр одонгоор Х.Чирчмаа, Ч.Дуламсүрэн, Ц.Уртнасан, Ц.Дулам, Ж.Шураа, Н.Цавчаа, М.Аягуль нарын эхчүүд шагнуулсан бол Д.Баасанхүү, О.Бадамханд, Н.Сэрээтэр, Ж.Гэрэлсүрэн, А.Болор-Ундрах, С.Баасанхүү, Д.Нарантуяа, Ц.Цолмон, Ж.Амараа, Ж.Ариунаа, Ч.Ундармаа, Ж.Бямбажав, Ө.Пүрэвээ, Б.Туул нар Алдарт эхийн хоёрдугаар одон хүртлээ. Ерөнхийлөгч Ц.Элбэгдорж ээжүүдэд одон гардуулаад, баяр хүргэж, "Сүүний үнэртэй энгэрээ одонгоор мялааж байгаа эхчүүддээ баярын мэнд хүргэе" хэмээв.

Алдарт эхийн одон гардсан ээжүүд дунд "Камертон" хамтлагийн дуучин Эбагийн эхнэр Ж.Бямбажав, дуучин Quiza-ийн эхнэр Ц.Цолмон нар Алдарт эхийн хоёрдугаар одон авч байв. Тэдэнд баяр хүргэхээр "Камертон" хамтлагийнхан болон гэр бүлийнхэн нь ирсэн байна.