УИХ-ын гишүүн, Хууль зүйн сайд Х.Тэмүүжингийн урилгаар Олон улсын Эрүүгийн цагдаагийн байгууллага-Интерполын Ерөнхий нарийн бичгийн дарга /ЕНД/ Роналд Кеннет Нобель, Интерполын Ерөнхий нарийн бичгийн даргын ажлын албаны дэд дарга Александр Анатольевич Гридчиний хамт энэ сарын 12-13-ны өдрүүдэд манай улсад анх удаа албан ёсны айлчлал хийх гэж байна. Айлчлалын хүрээнд Олон улсын интерполын төв байгууллага Монгол Улсын Хууль зүйн яам болон Цагдаагийн ерөнхий газартай хамтран ажиллах талаар санал солилцох юм байна.