Н.Алтанхуяг төрийн өмчит “Эрдэнэс-Тавантолгой” ХK-ийг овоо хараанаасаа салгахгүй байгаа нь ихээхэн дуулиан дэгдээх боллоо. Тэрээр хүргэн дүү Г.Дэнзэнгээ “Эрдэнэс-Тавантолгой” ХK-ийн ТУЗ-ийн дарга болгосон юм. Харин Г.Дэнзэнгийн эхнэр Г.Уянгын “Говь повер” ХХК нь “Эрдэнэс-Тавантолгой”-н 17 тэрбумын тендерийн ялагч болсон гэдэг. Үүн дээр нэгэн шинэ баримт нэмэгдэж байна. “Эрдэнэс-Тавантолгой” ХK-ийн ТУЗ-ийн дарга Г.Дэнзэн өөрийн төрсөн эгч Г.Одонгэрэлээ “Эрдэнэс-Тавантолгой” ХK-ийн Ханган нийлүүлэлтийн газарт ахлах мэргэжилтнээр оруулчихжээ. Г.Одонгэрэл нь өнгөрсөн оны 11 сарын 22-ны өдрөөс ажиллаж эхэлсэн байна. Ханган нийлүүлэлтийн газар нь бүхий л тендерийн асуудлыг зохицуулж байдаг хамгийн чухал газар гэдэгийг эх сурвалж онцлон тайлбарлав.
     Өмнө Ерөнхий сайд Н.Алтанхуяг “Эрдэнэс-Тавантолгой” ХK-ийн толгой компани болох “Эрдэнэс МГЛ”-ийн гүйцэтгэх захирлаар Увс аймгийн харьяат “Тэсо Трейд” компанийн захирал О.Сайнбуяныг томилсон. Мөн эдгээр kомпаниудын аль нэгнийх нь дэд захирлаар Ерөнхий сайд Н.Алтанхуяг тун ойрын хамаатны дүү болох Цэвэгжав гэгчийг бас томилсон гэж шуугисан юм. Ийнхүү “Эрдэнэс-Тавантолгой” ХK-ийг онилсон Н.Алтанхуягийн сүлжээ улам өргөжиж байна.