УИХ-ын өнөөдрийн чуулган дээр Ерөнхий сайд Н.Алтанхуяг гишүүдэд мэдээлэл хийж байна. Энэ үеэр МАН-ын зарим гишүүд Ё.Отгонбаяр гишүүний эхнэрийг яагаад цагдан хорисон тухай тодруулахыг хүслээ.

   Н.Энхболд гишүүн "Ё.Отгонбаяр гишүүний эхнэрийг төгрийг доллар гэж андуурч зарласнаас болж баривчилсан гэж яригдаад байна. Энэ үнэн үү? Гэм зэмгүй хүнийг бурууу мэдээлэээр шоронд хийв ээ? УИХ-ын танхимд доллар байсан юм уу, төгрөг байсан юм уу гэдгийг тодруулж хэлж өгнө үү. Тэр тусмаа Ерөнхийлөгчийн сонгуулийн үед буруу мэдээлэл болж байна. Нэг хүний асуудал биш шүү" гэв.
 Мөн "Ё.Отгонбаяр гишүүний эхнэрийг баривчисан тогтоол 14.00 цагт гараад  ЦЕГ-аас 16 цагт мэдэгдэл хийсэн. Үүнийхээ дараа 16.15  цагт О.Эрдэнэсолонгыг байцаасан нь ямар учиртай вэ? Монгол банкнаас төгрөгийг доллараар андуурч явуулсан гэсэн тодруулга бичиг ирүүлсэн нь үнэн үү?" гэж асуулаа.

Харин Ерөнхий сайд Н.Алтанхуяг "Ч.Сайханбилэг үү?, Х.Тэмүүжин үү? Цагдаагийн газар уу? Тэр мэддэг хүмүүсийг нь авчраад асуу, Би мэдэхгүй. Ерөнхий сайд, АН-ын даргын хувьд би ийм мэдээлэл хийхгүй " гэж хариуллаа.

   Энэ асуудалд хариулт авч чадаагүй ч УИХ дахь МАН-ын бүлгийн гишүүн Д.Хаянхярваа "Хуулийн байгууллагын буруу зөрүү мэдээлснээс болж хүнийг гэмт хэрэгтэн гэж зарлах нь буруу. МАН-ынх гэхээр авлигачин байдаг, АН-ынх гэхээр энхийн цагаан тагтай байдаг. Бид нар сонгуулийн дараа эргээд ажилдагаараа ажиллана, амьдардагаараа амьдарна. Монголын бүх арилжааны банкинд бүтэн жил эргэлддэх мөнгийг нэг хүн авсан гээд байна. Юм бол шоронд суулгана, ял өгнө гэдэг арай хэтэрч байна" гэлээ.