Тус газарт 5 дүгээр сарын 1-нээс 5 дүгээр сарын 31-нийг хүртэлх сарын хугацаанд нийт 6409 иргэн хандсанаас www.burtgel.mn  сайтын Зочны дэвтрээр 10, Online_1890@yahoo.com  хаягаар 611, Бүртгэлийн нэгдсэн лавлах 1890 утсанд 5778  дуудлага  ирсэн байна. Тус газар зөвхөн иргэдийн санал хүсэлтийг хүлээж авахаас гадна улсын бүртгэлийн үйл ажиллагаа, үйлчилгээний талаарх мэдээлэл, зөвлөгөөг цаг тухайд нь  тогтмол өгөн ажиллаж байна.


Харин Засгийн газрын 1111  мэдээллийн төв буюу www.zasag.mn цахим хуудаст  тус газартай холбоотой асуудлаар 148 иргэн хандсанаас иргэний баримт бичигтэй холбоотой асуудлаарх санал хүсэлт 100, шүүмжлэл 14,гомдол 34 ирсэн байна.


Дээрх санал хүсэлтийг төрөлжүүлэн судалж үзэхэд нийт санал хүсэлтийн 60 гаруй хувь нь цахим үнэмлэхт,  холбоотой гомдол болон хүүхдийн төрөлтийн бүртгэл мэдээллийн санд тусгагдаагүйгээс халамж үйлчилгээний газраас мөнгөө авч чадахгүй байгаа талаар мөн иргэний шилжих хөдөлгөөний бүртгэл болон шилжих хөдөлгөөний нарийн хуудас үйлчилгээний зарим газруудад хүчин төгөлдөр бус байгаагаас чирэгдэж байгаа тухай гомдол нийт санал хүсэлтийн 70 гаруй хувийг эзэлж байна.