Ирэх долоо хоногийн лхагва гарагт буюу 6-р сарын 26-ны өдөр Ерөнхийлөгчийн сонгуулийн санал хураалт болж ирэх дөрвөн жилд улс орныг авч явах төрийн тэргүүнээ сонгоно. Өнөөдөр АН, МАН, МАХН-ын төлөөлөгчид уулзаж нэр дэвшигчдийн халз мэтгэлцээнийг зохион байгуулах талаар зөвлөлдөх уулзалт хийхээр болжээ.

   Санал хураах өдрөөс өмнө сонгуульд нэр дэвшигчид телевизийн шууд эфирт халз мэтгэлцдэг уламжлалтай. Энэ нь иргэдийн сонголтонд чухал үүрэгтэй гэж ажиглагчид үздэг. Тэгвэл 2013 оны Ерөнхийлөгчид нэр дэвшигч халз мэтгэлцээнийхээ товыг гаргахаар бэлдэж байна.