Сэтгүүлч Б.Отгонбаяр Н.Номтойбаяр гишүүтэй холбоотой нийтлэл бичсэнийхээ төлөө шүүхэд дуудагдаад байгаа гэх яриа гараад байгаа.  Харин Н.Номтойбаяр гишүүн Б.Отгонбаяр сэтгүүлчийн эсрэг ямар нэгэн өргөдөл гомдлыг хууль хяналтын байгууллагад гаргаагүй гэдгээ мэдэгдсэн. Тэрээр энэ талаар ярихдаа “ Би Б.Отгонбаяр сэтгүүлчийг өнөөдөр анх удаа харж байна. Түүний эсрэг гомдол санал гаргаагүй. Би сэтгүүлчийн ажил, хөдөлмөрийн хүндэлж ойлгодог хүн. Энэ хүнийг яагаад шалгаж байгааг цагдаагийн байгууллагаас очиж асуу. Цаашид ч энэ хүнийг хууль хяналтын байгууллагад өгөхгүй” гэсэн юм. Харин сэтгүүлч Б.Отгонбаяр “Н.Номтойбаяр гишүүн намайг шалгуулах далд явуулгыг хийж байгаа. Бас намайг зодуулахаар хүмүүс явуулсан. Миний бичсэн нийтлэл болон ярьж буй зүйл баримттай. Шаардлагатай гэвэл би шүүхдэхэд бэлэн байна” гэж байсан билээ.  Мөн Н.Номтойбаярын бие хамгаалагч байсан Б.Батзориг гэх залуугийн зүгээс Н.Номтойбаяр гишүүний эсрэг гүтгэлгийн шинж чанартай мэдээ мэдээлэл тараасан гэж байгаа. Ямартаа ч өнөөдөр УИХ-ын гишүүн Н.Номтойбаяр албан ёсны мэдэгдэл гаргалаа. Түүний мэдэгдлийг бүрэн эхээр нь хүргэж байна.