Иргэний бүртгэлийн итгэмжлэгдсэн ажилтнуудын сургалт, семинар дууссантай холбогдуулан сонгогчдийн нэрийн жагсаалтыг эцсийн байдлаар хэсгийн хороо тус бүрээр гаргаж аймаг, нийслэлийн хэсгийн нийт 1896 хэсгийн хороонд хүлээлгэн өгч дууслаа.Тус газраас хуулинд заасанчлан сонгогчдын нэрийн жагсаалтыг 5 дугаар сарын 31-ний өдөр аймаг, нийслэлийн сонгуулийн тойргийн хороодод хүргүүлсэн бөгөөд сонгуулийн тойргийн хороо хэсгийн хороодод хүргүүлж иргэдийг сонгогчдын нэрийн жагсаалттай танилцах боломжоор хангасан. Иргэд санал авахаас 10-аас доошгүй хоногийн өмнө буюу 6 дугаар сарын 16-ний өдрөөс өмнө өөрийн харъяа хэсгийн хороондоо болон тус газрын цахим хуудсаар орж сонгогчдын нэрийн жагсаалт дахь өөрийн мэдээлэлтэй танилцаж улмаар зөрчилтэй бол харъяа хэсгийн хороонд бичгээр гомдол гаргах эрхтэй байсан. Тэгвэл энэ хугацаанд иргэд тус тусын мэдээлэлтэй танилцсан бөгөөд гомдол гаргасан иргэний мэдээллийг хүлээн авч, лавлагааг үндэслэн засах, шивэх, өөрчлөлт оруулах ажлыг хийж гүйцэтгэн ийнхүү эцсийн байдлаар аймаг, нийслэлийн 1896 хэсгийн хороонд ийнхүү хүлээлгэн өгөх ажлыг зохион байгуулж дуусгалаа.
