Сонгуулийн санал хураалт албан ёсоор дуусгавар болсон юм.  АН-аас зарласан хэвлэлийн хурал хэдхэн хормын дараа эхлэх гэж байна.  Эх сурвалжийн мэдээлж буйгаар АН-аас нэр дэвшигч Ц.Элбэгдорж Архангай аймгийн Хотонт, Дундговь аймгийн нэг суманд, Сэлэнгэ аймаг, Хөвсгөл аймгийн Галт, Цагаан-Үүр зэрэг суманд ялалт байгуулаад байгаа аж.

Харин нийслэлд Баянгол дүүргийн 31, 35 дугаар хэсгийн хороо, Чингэлтэй дүүргийн III хэсгийн хороо, Хан-уул дүүргийн 13 хэсгийн хороон дээр, Сүхбаатар дүүргийн VII хэсгийн хороо, Хан-Уул дүүргийн II хэсгийн хороо, Сонгинохайрхан дүүргийн 29 дүгээр хэсгийн хороо, Чингэлтэй дүүргийн IV хэсгийн хороон дээр ялалт байгуулаад байгаа гэнэ.

Нийслэлийн Чингэлтэй дүүргийн зургаадугаар хэсгийн хороонд 1898 сонгогч санал хураалтанд оролцсон байна. Ингээд АН-аас нэр дэвшигч Ц.Элбэгдорж 619, МАН-аас нэр дэвшсэн Б.Бат-Эрдэнэ 420, МАХН-аас нэр дэвшсэн Н.Удвал 54 нийт хүчинтэй саналын тиоо 1098, хүчингүй саналын тоо 2 гарчээ.