АН-аас дөнгөж сая дахин хэвлэлийн бага хурал хийлээ. Хуралд намын дарга, Ерөнхий сайд Н.Атанхуяг, ерөнхий нарийн бичгийн дарга Ц.Оюундарь, МҮАН-ын дарга М.Энхсайхан, ИЗНН-ын дарга С.Оюун нар оролцов.

 Түүний хэлсэн үгийг бүрэн эхээр нь хүргэж байна.

"Ард түмэн маань бидэнд итгэл хүлээлгэж байна. Үүний хариуд бид ирэх дөрвөн жилд улам илүү эрчтэй, хүчтэй ажиллана. Ард түмнийхээ ахуй амьжиргааг дээшлүүлэхийн тулд шинэчлэлийн Засгийн газар маань урьд өмнөхөөсөө ч илүү хүчтэй ажиллана. Авлигал, хээл хахууль, хүнд суртлыг арилгахын тулд Монгол Улсын Ерөнхийлөгч, Монгол Улсын их хуралтайгаа хамтарч, гар нийлэн ажиллана. Их бүтээн байгуулалтын ажлыг бид бүгдээрээ хамтарч үргэлжлүүлнэ. Төр засгийг тогтвортой байлгах чиглэлд бид мөн гар нийлэн ажиллах болно. Монгол Улсын ардчилсан Ерөнхийлөгч Засгийн газар, УИХ маань нэг баг болж, үлдэж байгаа хугацаанд монголчуудынхаа төлөө, монголчуудынхаа ахуй амьдралыг дээшлүүлж, хээл хахуулийг устгаж, их бүтээн байгуулалтыг улам далайцтай өрнүүлэхийн тулд хичээн зүтгэж ажиллахаа та бүхэндээ дахин илэрхийлье. Бид бүгдээрээ хамтраад энэ түүхэн цаг үеийг ашиглаж, хүн шиг амьдарч, улс шиг хөгжихийн төлөө хүчин чармайлт гарган ажиллацгаая. Баярлалаа, та бүхэндээ. Дахин гүн хүндэтгэл илэрхийлж байна" гэв.