Ерөнхийлөгч Ц.Элбэгдоржийн улиран сонгогдох болсон ялалтын баярыг Сүхбаатарын талбай дээр нижгэр тэмдэглэлээ. Рок попын шилдгүүдийг урин залж баяраа чимсэн энэ үеэр Улаанбаатар хотын захирагч, хотын дарга Э.Бат-Үүл баярын сэтгэгдлээ хуваалцлаа. Тэрбээр "Сонгуулийн үеэр бид нийслэлийнхээ иргэдтэй уулзаж явахад иргэд шинэ Улаанбаатарыг цогцлоон байгуулах явдлыг маш ихээр дэмжиж байгаа нь харагдсан. Бидний зорилгыг ард түмэн дэмжиж байсан болохоор бид ялсан юм. Тиймээс  "Мэдсээр байж бид ялсан юм" гэдэг сайхан үгийг хэлмээр байна.  Би дарга болсноосоо хойш үг хэлээ зохистой хэлдэг болох гээд байгаа. Гэвч одоо хамаагүй хэлчие "Тасархай" байсан шүү. 2016 онд шинэ нисэх буудлаа ашиглалтанд оруулна. Мөн шинэ метрогоо ашиглалтанд оруулна. Манай гэр хорооллын ард иргэд хэдэн жилийн дараа хотын төвийн тохижсон гудамж шиг гудамжинд хүүхдүүд нь тоглож өсөхийг харах болно. Тав тухтай орон сууцанд амьдарна. Шинэ Улаанбаатараа бүтээж, олимпийн хотын болгохын  тулд бүтээцгээе, хөдөлмөрлцгөөе" гэв.