МАН-аас хэвлэлийн хурал хийсэн билээ. Энэ үеэр МАН-ын дарга Ө.Энхтүвшин  "СЕХ-ны даргын хийсэн хэвлэлийн бага хурал дээр манай нэр дэвшигчийн авсан тоо нэлээн зөрүүтэй байлаа. Эхний удаа 514375 саналыг МАН-аас нэр дэвшигч Б.Бат-Эрдэнэ авлаа гэж хэлчихээд, дараа нь 512209 хүний санал авлаа гэж 2166 хүнээр буурсан тоо хэлсэн. Энэ яагаад буурсан талаар нягталж АН-ын дарга болон штабынхантай очиж уулзлаа. Ингээд нягтлахад СЕХ-ын дарга сүүлд дүнг зарлахдаа 518209 гэж хэлэх байсныгаа 512209 гэж хэлсэн гэдгээ хүлээн зөвшөөрлөө. Нэгэнт ийм юм болсон учир бид цаашдаа хуульчдын багийн хүрээнд үүнийг нягтална. Ямартаа ч АН-аас нэр дэвшигч Ц.Элбэгдорж давах ёстой даваа буюу 50+1 гэсэн босгыг 2852 саналаар буюу 0.23 хувиар давлаа. Түүнчлэн анхнаасаа хүч тэнцвэргүй, тэгш бус сонгууль болсон гэдгийг дахин хэлмээр байна. Сурталчилгааны ажил, санал хураалтын ажил нь ч гэсэн.  Улсын хэмжээгээр авч үзвэл 330 сумаас 201 суманд манай нэр  дэвшигч ялалт байгуулсан байгаа. Өөрөөр хэлбэл нийслэлийн 2 дүүрэг, 9 аймаг дээр ялалт байгуулсан байгаа. Тиймээс МАН-аас Монгол Улсын Ерөнхийлөгчид нэр дэвшсэн Б.Бат-Эрдэний төлөө саналаа өгсөн нийт сонгогчдодоо МАН-ын сонгуулийн төв штаб болон намынхаа мянга мянган гишүүдийн өмнөөс чин сэтгэлийн талархал илэрхийлж, хамгийн сайн сайхныг хүсэн ерөөж байна" гэв.