Засгийн газрын Хэрэг эрхлэх газрын дэд дарга асан Г.Дэнзэн­гийн оронд шууд томилогдсон Ч.Сайнбилэгийг хууль зөрчсөн яриа гадуур тархаж эхэллээ. 

Түүнийг Төрийн албаны тухай хууль болон УИХ-аас батал­сан Төрийн жинхэнэ албаны удирдах албан тушаалд томилогдох сонгон шал­гаруулалтын журмыг зөр­чсөн хэмээн үзэж байгаа аж. Тиймээс Төрийн албаны зөвлөл уг албан тушаалд сонгон шал­гаруулалт зарлахаар болжээ. Тэгэхээр Ерөнхийлөгчийн Тамгын газрын дэд дар­гаар ажиллаж байсан Ч.Сайхан­билэг нь энэхүү сонгон шал­гаруулалтад өрсөлдөх аж. Ямартаа ч уг албан тушаалд өрсөлдөх хүмүүсийн материалыг ирэх сарын 2-3-нд хүлээж  авах юм байна.

Ч.Сайнбилэг нь 1966-1974 онд Хөвсгөл аймаг, Цэцэрлэг сумын найман  жилийн дунд сургууль, 1974-1976 онд Хөвсгөл аймаг, Мөрөн хотын 1-р 10 жилийн дунд сургууль, 1976-1981 онд Монгол Улсын Их Сургууль, 2000-2001 онд Удирдлагын академийг тус тус төгссөн.  Физикч, физикийн багш, Төрийн удирдлагын менежер мэргэжилтэй. 1981-1982 онд Дээд ,тусгай дунд, Техник мэргэжлийн боловсролын улсын хороонд мэргэжилтэн, 1982-1985 онд ХХАҮТехникумд багш,  1985-1996 онд Олон улсын “Найрамдал” зусланд багш,  1996-2000 онд Сонгинохайрхан дүүргийн ИТХ-ын Тэргүүлэгчдийн нарийн бичгийн дарга,  1998 онд Олон улсын “Найрамдал” төвийн ерөнхий захирал,  2000-2004 онд “Эн Ар” ХХК-ийн ерөнхий захирал, 2004-2006 онд УИХ-ын гишүүний зөвлөх,  2006-2009 онд “Шарын гол энержи” ХХК-ийн ерөнхий менежер,  2009 оноос Монгол Улсын Ерөнхийлөгчийн Тамгын газрын дэд даргаар тус тус ажиллаж байсан нэгэн аж.