Монгол Улсын Ерөнхийлөгчөөр  улиран сонгогдоод байгаа Ц.Элбэгдорж маргааш Сүхбаатарын талбайд 11.40 цаг буюу морин цагт тангараг өргөнө. Тэрээр анх удаа Сүхбаатарын талбайд буюу ард түмнийхээ дунд тангараг өргөх юм.

Тангараг өргөх ёслолын үеэр УИХ-ын хүндэтгэлийн хурал болох бөгөөд цэргийн жагсаал зохион байгуулна гэж байгаа. Мөн өнөөдрөөс Чингисийн хөшөөний өмнөх талбай, тангараг өргөх тайзыг засч тангараг өргөх ёслолд бэлтгэж байна.