АНУ-ын Небраска мужид хоёр удаа хүчтэй хуй салхи дэгдсэний улмаас нэг хүн амиа алдаж, 19 хүн гэмтэж бэртсэн байна. Баруун хойд зүгт орших Омахагаас 160 километрийн зайтай байдаг Пилгер хот хамгийн их хохирол амсчээ. Тус хотын сургууль, банк, сүмийн барилгуудаас гадна оршин суугчдын орон гэр эвдэрч сүйдсэн аж. Одоогоор гэмтэж бэртсэн иргэдийг хэвтүүлэн эмчилж байгаа бөгөөд Небраска мужийн хамгаалалтын албыг гамшгийн бүс рүү илгээсэн байна.