АНУ-ын Небраска мужид хоёр удаа хүчтэй хуй салхи дэгдсэний улмаас нэг хүн амиа алдаж, 19 хүн гэмтэж бэртсэн байна. Баруун хойд зүгт орших Омахагаас 160 километрийн зайтай байдаг Пилгер хот хамгийн их хохирол амсчээ. Тус хотын сургууль, банк, сүмийн барилгуудаас гадна оршин суугчдын орон гэр эвдэрч сүйдсэн аж. Одоогоор гэмтэж бэртсэн иргэдийг хэвтүүлэн эмчилж байгаа бөгөөд Небраска мужийн хамгаалалтын албыг гамшгийн бүс рүү илгээсэн байна.

Анх удаагаа нэгдсэн журмаар Бурхан багшийн Их Дүйчэн өдрийг тэмдэглэн өнгөрүүлж байгаа билээ. Энэхүү билэгт сайн өдөр Их Майдар Сан нь өрх гэр бүлийн хандивлагч нартаа 27 см өндөртэй алтан шармал Майдар бурхан, суварган байгууламжинд байгуулах эрхийн бичгийн хамт өглөгийн эздэд  гардуулан өглөө.

Бурхан Багшийн Их Дүйчэн Өдрийн Баяр 17 цагаас Гандантэгчэнлин хийдээс чингисийн талбай хүртэл 1080 хүний сүрт жагсаалаар үргэлжлэх юм байна. Мөн Чингисийн талбай дээр Эв нэгдлийн үдэш урлаг соёлын тоглолт, 5000  залуучуудын бясалгалын флаш мобоор үргэлжилнэ.