АНУ-ьн Засгийн газраас Монгол Улсын батлан хамгаалах салбарт буцалтгүй тусламжаар цэргийн зориулалттай “Wran­gler” загварын 35 ширхэг автомашин өгснийг гардуулах ёслол өнгөрсөн ням гарагт боллоо. Энэ үеэр Батлан хамгаалахын сайд Ц.Цолмон “Монгол Улс, АНУ хоёрын хамтын ажиллагааны чухал суурийг батлан хамгаалах салбар эзэлдгийг онцлох ёстой. АНУ-ын Засгийн газраас манай улсын энхийг дэмжихэд оролцох оролцоог нэмэгдүүлэх, техникийн чадварыг сайжруулах чиглэлээр тусламж үзүүлдэг. Тусламжийн буухиа болгож цэргийн зориулалтгай 35 машиныг өгч байна. Бид зэвсэгт хүчний ангиуд, эмнэлэг болон бусад мэргэжсэн байгууллагуудад хуваарилна. Ирэх сард мөн энэ тооны автомашин илгээхээ мэдэгдсэн. АНУ-ын Засгийн газар, манай улсад суугаа АНУ-ын Элчин сайдын яамныханд талархлаа илэрхийлье” гэсэн юм.