Нарантуул захын ажилтнуудыг тэнсэн харгалзахаар боллоо

2017-2-03

Нарантуул худалдааны төвийн даавуу бөс бараа худалдаалдаг хэсэгт энэ оны гуравдугаар сарын 3-ны өдөр гал гарч лангуу түрээслэгч олон иргэдэд онц их хэмжээний хохирол учирсан юм. Уг хэрэгт дээрх захын инженер, харуул хамгаалалтынхныг татан Баянзүрх дүүргийн Цагдаагийн I хэлтсийнхэн шалгаж, тус дүүргийн Прокурорын газраас яллах дүгнэлт үйлдэн шүүхэд шилжүүлсэн юм. Баянзүрх дүүргийн Эрүүгийн хэргийн анхан шатны шүүх Амгаланбаатар нарын долоон хүнд холбогдох хэргийг хэлэлцэн шийдвэрлэжээ.

Нарантуул захын инженер болон эрх бүхий албан тушаалтныг галын аюулгүй байдлыг хангах чиглэлээр мэргэжлийн байгууллагуудын удаа дараа өгсөн шаардлагыг биелүүлээгүй, аж ахуйн нэгж, байгууллагын галын аюулгүй байдлыг хангуулах үүрэг хүлээсэн этгээд хууль тогтоомж зөрчсөнөөс онц их хэмжээний хохирол учирсан гэм буруутайд тооцжээ. Мөн харуул хамгаалалтын ажилтнуудыг бусдын эд хөрөнгө хамгаалах үүрэгтээ хайнга хандсанаас онц их хэмжээний хохирол учирсан буруутай гэж дүгнэсэн байна. Тиймээс Амгаланбаатар нарын хүмүүст 2-3 жил хорих ял шийтгээд уг ялыг биечлэн эдлүүлэх шаардлагагүй гэж үзэн тэнсэн харгалзахаар боллоо.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (6)

Инженер - Архитектор (103.10.23.162)

Бид яахаараа нэгнийгээ үхтэл нь муулж байж санаа нь амардаг юм бэ.Болж байгаа юм ер нь байгаа юм уу,ингээд байвал. Монголын ганц Төв Зах л хамгийн хямдхан бараа таваар , хүнсээр өдий олон жил хангаж маш олон өрх тэндээс муу ч гэсэн амьдралаа залгуулж байгааг нуух аргагүй. Миний мэдэхийн Захын захиргаа орчин үеийн стандартад зохицсон шинэ худалдааны төв барихад,мөн гал унтраах тоног төхөөрөмжөөр тоноглоход хэдэн тэрбумын хөрөнгө зарсан шүү дэ. Тэнд манай барилгын салбарт танигдсан, мэргэжлийн галын Зөвлөх инженер хүртэл аюулгүй ажиллагааны багт нь ажиллаж байгаа харагдсан. Тэгэхээр юм хийж л байгаа гэсэн үг. Одоо монголчууд энэ явцгүй хар хэл амнаасаа салж хөгжихөө бодмоор болж...

2017 оны 02 сарын 04 | Хариулах
зочин (150.129.143.29)

Монголын шуухийн гаргадаг арчаагуй утгагуй шийдвэруудийн нэг. Уунийгээ хэн ч шийдвэрт нелеелж болохгуй гээд лозун тавьчихсан. Негее шуугч нэртэй сугнууд нь дураараа аашилж егне. Хэн юм хаяна тэр талд нь уйлчилнэ.

2017 оны 02 сарын 03 | Хариулах
зочин (202.21.117.194)

Болиочээ!!!! Галын аюулгүй байдлыг хангах ажил чинь Сайхансамбуугийн хийх ажил шүүдээ. Сайхансамбуу мөнгө гаргаж хийхгүй бол тэрмуу байцаагч, хамгаалагч яах юм бэ.

2017 оны 02 сарын 03 | Хариулах
Зочин (202.9.42.17)

Boliichee Saihansambuu luibarchnaar olon tumnii uch tuchnuun yumiig tuluuleechee. 1 ch hund tulbur tuluugui baij shineer gomdliig ni garguulahgui bol bashir argaar humuusiin gomdliig tatuultsan bga shte

2017 оны 02 сарын 03 | Хариулах
сайхансамбуу (182.160.35.89)

гал тавьсан наранхүүг яах вэ?

2017 оны 02 сарын 03 | Хариулах
иргэн (124.158.90.56)

Муусайн хамгаалагчдыг шийтгээд яах гэсийн юм бол.Тэдэнд ямар ч сургалт өгдөггүй юм шүү дээ.Өөрсдийгөө ч галаас хамгаалах чадваргүй хүмүүс байдаг юм.Галд түлэгдээгүй нь их юм.Сарын цалин нь үсрээд л 500 000 хүрэхгүй байгаа шүү дээ.

2017 оны 02 сарын 03 | Хариулах