УИХ-ын дарга М.Энхболдыг огцрохыг шаардан нэр бүхий гишүүд суулт зарлалаа.
Тодруулбал, УИХ-ын гишүүн Л.Оюун-Эрдэнэ, Ж.Батзандан, Т.Аюурсайхан, Л.Болд нар хуульд заасан үндэслэлийн дагуу УИХ-ын даргыг огцрохыг шаардаж байгаа талаар ярьж байна. Тэд 14 хоногийн өмнө уг шаардлагыг мөн тавьсан аж.
УИХ-ын Т.Аюурсайхан “Өнөөдөр чуулган 50 гаруй хувийн ирцтэйгээр хурлаа эхлүүлсэн. Харин бидэнд хоёр гурван ирээгүй хүний картыг хийж хурлаа эхлүүлсэн гэх мэдээлэл байна. Энэ нь өөрөө хууль зөрчсөн ноцтой үйлдэл гэж үзэж байгаа. 50 гаруй хувийн ирцтэй хүчээр хурлаа эхлүүлж байгаа ч гэсэн цаана нь байгаа сонгогчид нь УИХ-д дуу хоолойгоо гаргах боломжгүй байна. Төлөөллийн ардчиллаа хэрэгжүүлэх боломжгүй байна. Мянга мянган сонгогчдын дуу хоолой УИХ-ын чуулганы танхимд гарахгүй байна. Сонгогчид энэ хүнээр чуулганыг удирдуулахгүй гэж байгаа юм. Тиймээс төрдөө хүндэтгэлтэй хандаж иргэд олон нийтийнхээ дуу хоолойг сонсон хүлээцтэй хандаж, тодорхой шийдвэр гаргаач гэдгийг бид хүсч байна” гэв.
Б.Лхам
Сэтгэгдэл (20)